Қытай Тайваньға әскери қысымды күшейтті
Қытай әскери-теңіз күштерінің кемелері Пэнху архипелагы маңында белсенділік танытты. Бұл аймақта Тайвань флоты мен әуе күштерінің негізгі бөлімдері орналасқан.
Тайвань билігінің мәліметінше, кешке қарай Қытайдың эсминеці мен фрегаты стратегиялық су айдынына кірген. Бұған жауап ретінде Тайвань әуе және теңіз күштері жедел дайындық режиміне көшіріліп, жағдай бақылауға алынған.
Тайвань қорғаныс министрлігі деректеріне сәйкес, соңғы 24 сағатта аймақ маңында 9 әскери кеме және 22 ұшақ тіркелген.
Тайвань президенті бұл әрекеттерді «сұр аймақ тактикасы» деп атап, оның мақсаты тікелей соғыссыз-ақ қысым көрсету екенін мәлімдеді. Ал Пекин тарапы әзірге бұл жағдайға ресми түсініктеме берген жоқ.