Қайрат Боранбаевтың бизнес-серіктесіне іздеу жарияланды
Алматыда құрылыс компаниясының басшысы іздестіріліп жатыр.
Қазақстан Ішкі істер министрлігі NEF Qazaqstan компаниясының басшысы Тарык Волкан Оскайдың іздеуде екенін хабарлады. Қылмыстық іс 2024 жылғы 18 сәуірде Алматы қаласында тіркелген.
Тарык Волкан Оскай — NEF Qazaqstan құрылыс компаниясының бас директоры. Аталмыш компания тұрғын үй мен коммерциялық ғимараттарды салу бағытында жұмыс істейді.
2022 жылы Astana International Exchange (AIX) алаңында NEF Qazaqstan компаниясы 6 миллиард теңге көлеміндегі алғашқы облигацияларын орналастырғанын хабарлаған еді. Алайда, 2023 жылы компания алғаш рет AIX-та дефолтқа ұшырады — 4 миллиард теңгеден астам негізгі қарыз бен 402 миллион теңге көлеміндегі купондық төлемді өтеу алмады.