Венесуэладағы жер сілкінісінен қаза тапқандар саны 4 мыңнан асты

Соңғы мәлімет бойынша, табиғи апаттан мыңдаған адам жарақат алып, ондаған мың тұрғын баспанасыз қалған.

Боливар Республикасы Ұлттық ассамблеясының төрағасы Хорхе Родригестің айтуынша, зілзала салдарынан 4 мыңнан астам адам көз жұмған. Сонымен қатар 16 740 адам түрлі жарақат алып, 17 907 тұрғын үйсіз қалған.

Табиғи апаттан 190 ғимарат толықтай қирап, тағы 856 нысанға елеулі зақым келген.

Құрбандар саны күн сайын артып келеді. Бұған дейін БҰҰ сарапшылары жер сілкінісінен қаза тапқандар саны 10 мың адамға дейін жетуі мүмкін екенін ескерткен болатын.

Қазіргі уақытта Венесуэла билігі халықаралық құтқару топтарымен бірлесіп ауқымды іздестіру-құтқару жұмыстарын жалғастырып жатыр. Ресми мәліметке сәйкес, осы уақытқа дейін 6 462 адам құтқарылып, 29 966 азамат ауруханалар мен медициналық мекемелерде ем қабылдаған.