«Әділет» партиясы Құрылтайға кімді ұсынды: кандидаттардың толық тізімі
Қазақстан Республикасының Орталық сайлау комиссиясы «Әділет» партиясының кандидаттар тізімін тіркеді. Осылайша, партия кезектен тыс Құрылтай депутаттарын сайлауға қатысуға ресми түрде мүмкіндік алды.
Кандидаттар тізіміне 186 адам енді. Олардың қатарында заңгерлер, ғалымдар, кәсіпкерлер, сондай-ақ білім беру, денсаулық сақтау, цифрландыру, ауыл шаруашылығы, өнеркәсіп, мәдениет және қоғамдық қызмет салаларының өкілдері бар. Тізімде 72 әйел және 114 ер адам ұсынылған. Кандидаттардың орташа жасы – 45 жас.
Партия төрағасы Айбек Дәдебайдың жетекшілігіндегі саяси ұйым сайлауға заң үстемдігі, әділеттілік және жауапкершілік қағидаттарына негізделген бағдарламамен қатысуда. Бағдарламаның негізгі басымдықтарына цифрландыруды дамыту, кәсіпкерлікті қолдау, мемлекеттік басқарудың тиімділігін арттыру және халықтың өмір сүру сапасын жақсарту кіреді.
Бағдарлама бекітілген кезде партия өкілдері өз командаларының «құр уәде бермейтінін, кінәлілерді іздемейтінін және өткенмен өмір сүрмейтінін, керісінше болашақты бірге құруға күш салатынын» мәлімдеді.
Құрылтай депутаттарының сайлауы 23 тамызда өтеді. Кандидаттардың толық тізімі мен толық ақпарат сілтеме арқылы қолжетімді.
1 шілдеде Қазақстанда екі палаталы Парламенттің орнына бір палаталы Құрылтайды енгізген жаңа Конституция күшіне енді. Президент жаңа заң шығарушы органның алғашқы депутаттарын сайлауды 23 тамызға тағайындады.