АҚШ: «Иран Ормуз бұғазын бақыламайды»
АҚШ Қарулы күштерінің Орталық қолбасшылығы (CENTCOM) Иранның мемлекеттік БАҚ-та жарияланған Тегеран Ормуз бұғазындағы коммерциялық кеме қозғалысын толық бақылауға алды деген мәлімдемесін ресми түрде жоққа шығарды.
Бұған дейін Иранның мемлекеттік ақпарат құралдары Ормуз бұғазы арқылы өтетін барлық сауда кемелері енді тек Тегеран бекітіп, келіскен бағыттармен ғана жүретінін хабарлаған болатын.
«Иран Ормуз бұғазын бақыламайды», – деп мәлімдеді CENTCOM.
АҚШ әскери ведомствосы америкалық қарулы күштер өңірде қызметін жалғастырып жатқанын және халықаралық теңіз жолы арқылы өтетін коммерциялық танкерлер мен басқа да кемелердің қауіпсіз әрі кедергісіз қозғалысын қамтамасыз ету үшін барлық қажетті қолдау көрсетіліп жатқанын атап өтті.