Алматыда қоғамдық көлікте жол жүру ақысы көтеріледі
Алматыда қоғамдық көлікте жол жүру ақысы Т120 дейін көтеріледі. Бұл туралы Алматы қалалық мәслихаты мақұлдады.
Қалалық инфрақұрылым басқармасының басшысы Сағындық Телібаевтың мәліметінше, Алматыда күн сайын 2468 автобус пен троллейбус шығаратын 22 жеке және 1 коммуналдық автобус паркі жұмыс істейді. Жолаушылар ағыны тәулігіне 1,5 млн адамды құрайды. Алайда, күнделікті түсімдер тасымалдаушылардың барлық шығындарын өтемейді, нәтижесінде:
- Техниканы уақтылы жөндемеу.
- Қосалқы бөлшектерді сатып алудағы кідірістер.
- Маршруттардағы жүйеліліктің бұзылуы.
- Жүргізуші құрамының кетуі.
- Тасымалдаушылардың өз қаражатынан шығыстарды жабуы.
- Саланы дамыту үшін мүмкіндіктердің болмауына әкеліп соғады.
Автобустардың, қосалқы бөлшектердің, шұғыл шығындардың және жүргізушілердің жалақысының жыл сайынғы өсуіне қарамастан, автобустардың орташа жасы 3 жыл, нормативтік пайдалану мерзімі 7 жыл.
Тарифті 120 теңгеге дейін көтеру:
- Техниканы уақтылы жөндеу.
- Қосалқы бөлшектерді уақтылы сатып алу.
- Маршруттардағы жүйелілікті жақсарту.
- Жүргізушілерді тарту және ұстау.
- Тасымалдаушыларға қаржылық жүктемені азайту.
- Жолаушылардың қажеттіліктерін ескере отырып, саланы дамытуға септігін тигізетіні айтылған.
Комиссия мүшелері сондай-ақ жолаушыларды тұрақты әлеуметтік маңызы бар тасымалдауға арналған Тарифтерді келісу мәселесін қарады.
Тариф 120 теңгеге дейін көтерілген жағдайда 2024 жылы субсидияларды үнемдеу 7 млрд теңгені құрайтын болады.