Алматы–Измир бағыты бойынша әуе рейсі іске қосылады
Көлік министрлігінің хабарлауынша, 2026 жылдың 31 шілдесінен бастап елімізде Түркияның SunExpress әуе компаниясы Алматы – Измир бағыты бойынша тікелей тұрақты рейсті іске қосады.
Рейстер аптасына 2 рет (сейсенбі, жұма) Boeing 737 типті әуе кемелерімен жүзеге асырылады.
«Қазақстан мен Түркия арасындағы әуе қатынасының ашылуы елдер арасындағы сауда-экономикалық, іскерлік, инвестициялық, туристік және мәдени ынтымақтастықты одан әрі дамытуға ықпал етеді», - делінген хабарламада.