Алматыда ішек инфекциясына байланысты ауруханаға түскен РФММ оқушыларының саны 55-ке жетті
Алматыдағы Республикалық физика-математика мектебінің тағы төрт оқушысы ішек инфекциясына ұқсас белгілермен ауруханаға жатқызылды.
Осылайша, ем қабылдап жатқан балалардың жалпы саны 55-ке жетті.
Қалалық Денсаулық сақтау басқармасының мәліметінше, ауруханаға түскен оқушылардың жағдайы тұрақты. Денсаулығында нашарлау байқалмаған.
Балаларға қажетті медициналық көмек көрсетіліп жатыр. Қазіргі уақытта жансақтау бөлімінде емдеуді қажет ететін науқастар жоқ.