Ақсу қаласының жаңа әкімі тағайындалды
Ақсу қаласының жаңа әкімі болып 49 жастағы Нұрлан Дүйсембинов тағайындалды. Бұл туралы Павлодар облысы әкімінің баспасөз қызметінен хабарлады.
Жаңадан тағайындалған әкімді қала активіне аймақ басшысы Әбілқайыр Сқақов таныстырды. Ол бұрынғы әкім Жанат Шұғаев денсаулығына байланысты берген өтініші негізінде қызметінен босатылғанын айтып, атқарған жұмысы үшін алғысын білдірді.