Атырауда 16 жастағы бойжеткенді қатарластары пәтерде аяусыз соққыға жыққан
Әлеуметтік желіде Атырауда түсірілген видео тарады. Кадрларда бойжеткеннің өз қатарласын пәтер ішінде ұрып-соғып жатқаны көрінеді.
Оқиға 13 сәуір күні болғаны анықталды. Атырау облыстық полиция департаментінің мәліметінше, аталған факті бойынша төрт күдікті анықталып, олардың барлығы жауапкершілікке тартылған.
Сондай-ақ 16 жастағы жасөспірімге қатысты жиналған материалдар кәмелетке толмағандардың ісі жөніндегі комиссияға жолданған. Комиссия оның әрекетіне құқықтық баға беріп, тиісті шешім қабылдайды.
Қазір оқиғаның барлық мән-жайы тексеріліп жатыр.