Атырауда "ҚазАвтоЖол" АҚ еншілес ұйымының бас бухгалтері 35 млн теңге жымқырғаны үшін сотталды
Анықталғандай, бас бухгалтер заңсыз түрде төлемдерді есептеп, ұйымның қаражатын өзінің жеке банктік шотына аударып отырған.
Атырау көлік прокуратурасы өңірдегі Экономикалық тергеп-тексеру департаментімен бірлесіп жүргізген прокурорлық тексеру барысында "ҚАЖсервис" ЖШС филиалының 34,8 млн теңге көлеміндегі қаражатын жымқыру дерегін анықтады.
Аталған дерек бойынша сотқа дейінгі тергеп-тексеру жүргізілді.
Атырау қаласының № 2 сотының үкімімен ол ҚР ҚК-нің 189-бабының 4-бөлігінің 2)-тармағымен кінәлі деп танылып, оған материалдық жауапкершілікпен байланысты қызметпен айналысу құқығынан бес жыл мерзімге айыра отырып, бес жыл мерзімге бас бостандығынан айыру жазасы тағайындалды.
"ҚАЖсервис" ЖШС-нің материалдық залалды өндіру туралы азаматтық талап арызы толық көлемде қанағаттандырылды.
Үкім заңды күшіне енген жоқ.