Алматыда әйел адамға тиіскен турист 15 тәулікке қамалды
Алматыдағы Терреңқұр аллеясында бейтаныс әйелге қол жүгірткен шетелдік азамат әкімшілік жауапкершілікке тартылды. Ол әйелдің бөксесінен ұстаған.
Медеу ауданының полиция қызметкерлері Қазақстанға бір күн бұрын келген ер адамды ұстады.
Сот шешімімен оған 15 тәулік әкімшілік қамаққа алу жазасы тағайындалды.
Сонымен қатар полиция қызметкерлері шетелдік азаматты елден депортациялау мәселесін қарау үшін тиісті материалдарды сотқа жолдады.