БАҚ: Трамп Иранды ұзақ уақыт бойы қоршауға алу жоспарын дайындауды тапсырды
АҚШ Президенті Дональд Трамп Иранды ұзақ мерзімді блокадаға алу сценарийін әзірлеуді бұйырды.
Ақ үй Тегеранға тікелей әскери соққы жасамай-ақ, экономикалық қысымды күшейтуді көздеп отыр. Бұл туралы The Wall Street Journal жазды.
Басылым дереккөздерінің мәліметінше, соңғы күндері Америка лидері ислам республикасын теңіз арқылы оқшаулау идеясын қолдаған. Атап айтқанда, жоспар ирандық кемелер мен мұнай танкерлерінің ел порттарынан шығуын бұғаттауды қарастырады.
Вашингтон бұл сценарийді зымыран соққыларды қайта бастау немесе АҚШ-тың Таяу Шығыстағы қақтығыстан толықтай шығуымен салыстырғанда «қаупі аздау нұсқа» ретінде қарастырып отыр.
Президенттің тапсырмасына қарамастан, Америка билігінің ішінде біртұтас пікір жоқ. WSJ атап өткендей, шенеуніктер екіге бөлінген:
Қатаң бағытты ұстанушылар: Тегеранды тізе бүктіру үшін максималды қысым көрсетуді талап етуде.
Қарсыластар: Мұндай қадамның АҚШ-тың өз экономикасына тигізер қаупін ескертеді.
Сарапшылар блокаданың басты қатері ретінде Ормуз бұғазындағы жағдайды атайды. Бұл өткелдің ұзақ уақыт жабылып қалуы әлемдік мұнай бағасының күрт өсуіне соқтырып, инфляцияны күшейтуі мүмкін. Бұл, өз кезегінде, Конгресске алдағы сайлау қарсаңында Республикалық партияның рейтингіне соққы болып тиюі ықтимал.