Дәмханада болған жарылыстың салдарынан 23 адам ауруханаға жатқызылды
Нұр-Сұлтандағы дәмханада болған жарылыстан кейін 23 адам ауруханаға жатқызылды, — деп хабарлайды Нұр-Сұлтан қалалық қоғамдық денсаулық сақтау басқармасының баспасөз қызметі.
Басқарманың баспасөз қызметіндегілер жалпы 35 адам зардап шеккенін хабарлады. Олардың барлығы дереу қалалық ауруханаларға жеткізілді.
«Медицина мамандары оларды қарағаннан кейін 23 адам ауруханаға жатқызылды, 11 адам жеңіл жарақатпен амбулаториялық емделуге жіберілді», — делінген хабарламада.