Дулат Ағаділдің ұлын өлтіріп кетті
Марқұм, қоғам белсендісі Дулат Ағаділдің ұлы пышақ жарақаты салдарынан қайтыс болды, деп хабарлайды Zhasalash.kz Нұр-Сұлтан қалалық полиция департаментіне сілтеме жасап.
Полицияға 10 қараша күні сағат 22:56-да Көктал ықшамауданындағы Болашақ көшесіндегі жаппай төбелес жайлы ақпарат келіп түскен.
Қалалық полиция департаментінің баспасөз хатшысы Эльмира Шауленованың мәліметінде: «қызметкерлер келген кезде жастар тобы арасында жанжал анықталды. Нәтижесінде екі адам жарақат алды. Олардың бірі – 17 жастағы Жанболат Ағаділов пышақ жарақатынан көз жұмды», – делінген.
Құқық қорғау органдары ҚР Қылмыстық Кодексінің 99-бабының 2-тармағы бойынша қылмыстық іс қозғады. Қазіргі таңда жанжалға қатысқандар іздестірілу үстінде. Тергеу жұмыстары жүргізіліп жатыр.