Ерлан Қарин: «Мемлекет басшысының бастамасымен елде ауқымды және терең өзгерістер жүріп жатыр»
Ерлан Қарин әл-Фараби атындағы Қазақ ұлттық университетінің құрылғанына 90 жыл толуына орай өткен салтанатты жиынға қатысты.
Мемлекеттік кеңесші бірегей білім ордасының тарихи маңызына, Президенттің бастамасымен қолға алынған ілкімді істерге тоқталды.
«Мемлекет басшысы Қасым-Жомарт Кемелұлының бастамасымен елде ауқымды және терең өзгерістер жүріп жатыр. 2029 жылға дейін инфрақұрылым жүйесін жаңартуға қатысты кешенді жоспар қабылданды. Тек биылдың өзінде 6 мың шақырымнан астам инженерлік-коммуникация желісі жөнделді және 12 мың шақырым жол жөндеуден өтіп, салынып жатыр. 3 әуежайдың жаңа терминалы іске қосылды. Биыл 100-ден астам мектеп салынды, соның ішінде 53 жайлы мектеп бар. Соңғы он жылда рекордтық астық жиналды. 18 миллион шаршы метр тұрғын үй пайдалануға берілді. Сондай-ақ, биыл жалпы құны 1,27 триллион теңге болатын 169 кәсіпорын іске қосылды. 14 мыңға жуық жұмыс орны ашылды. Мұның бәрі – Мемлекет басшысының бастамасымен жасалып жатқан жоспарлы, жүйелі жұмыстың нәтижесі», – деді Мемлекеттік кеңесші.