Ержан Жиенбаев Президент әкімшілігі басшысының орынбасары болып тағайындалды
Мемлекет басшысының жарлығымен Ержан Нұрланұлы Жиенбаев Қазақстан Республикасы Президенті Әкімшілігі басшысының орынбасары қызметіне тағайындалды. Бұл туралы Ақорданың баспасөз қызметі хабарлады.
«Мемлекет басшысының Жарлығымен Ержан Нұрланұлы Жиенбаев Қазақстан Республикасы Президенті Әкімшілігі басшысының орынбасары болып тағайындалды. Ол бұрынғы атқарған қызметінен босатылды», - делінген хабарламада.
Ержан Жиенбаев 2023 жылдың қыркүйегінен бері Президенттің көмекшісі қызметін атқарған. Бұған дейін, 2019 жылдың қазан айынан бастап Президент Әкімшілігі басшысының орынбасары болған.
Ал 2019 жылдың шілдесінен бастап Премьер-Министр Кеңсесі басшысының орынбасары лауазымында жұмыс істеген.