Канада Трамптың АҚШ-қа қосылу туралы ұсынысынан бас тартты
АҚШ-тың жаңадан сайланған президенті Дональд Трамп Канаданы Америка Құрама Штаттарының бір бөлігі болуға шақырды. Оттава бұған үзілді-кесілді қарсылық танытты.
Канаданың сыртқы істер министрі Мелани Джоли әлеуметтік желіде "Жаңадан сайланған президент Трамптың пікірлері Канаданы ненің күшті ел ететінін толық түсінбейтінін көрсетеді. Біздің экономикамыз мықты. Халқымыз мықты. Біз қауіп-қатер алдында ешқашан шегінбейміз" деп жазды.
"Канаданың Америка Құрама Штаттарының бір бөлігіне айналу мүмкіндігі жоқ. Екі елдегі жұмысшылар мен қауымдастықтар бір-бірінің ең үлкен сауда және қауіпсіздік серіктесі болудан пайда көреді", - деп жазды Твиттерде Джастин Трюдо.