Қапшағай су қоймасында суға батып кеткен екі адамның мәйіті табылды
Қайғылы оқиға 1 шілде күні Қонаев қаласындағы «Джаса» демалыс аймағының маңында болды.
Оқиға орнына құтқарушылар жеткенге дейін демалушылар 2006 жылы туған қыздың мәйітін судан шығарып алған. Осыдан кейін Алматы облысы Төтенше жағдайлар департаментінің құтқарушылары жоғалған екінші адамды іздеуге кірісті.
2 шілде күні таңертең жүргізілген іздестіру жұмыстары барысында Қапшағай су қоймасының жағалауынан 2004 жылы туған жігіттің мәйіті табылды.
Алдын ала мәлімет бойынша, екі жас бірге суға түскен. Оқиғаның мән-жайы анықталып жатыр.