Қазақстанда ақылы жолдармен жүру құны қымбаттайды
Елімізде ақылы жолдармен жүру құны, яғни тарифтері өзгертілмек. Бұл туралы ҚР Көлік министрі Марат Қарабаев айтты, деп жазды Zhasalash.kz.
Министр Қарабаев ақылы жолдардың құны 11 жыл бойы өзгермегенін атап өтті.
«Өткен жылы 20 пайызға өсім болды. Біздің тарифтерімізді салыстырыңыз: егер Қазақстанда 1 теңге 20 тиын болса, Ресейде 7 теңге. Салық төлеушілер есебінен емес, «ҚазАвтоЖол» бюджеті есебінен болғанын қалайсыз ба? Одан кейін ақылы жолдардағы тарифтерді көтеру ғана қалады», - деді Қарабаев Сенат отырысында.
Бұл ретте ол бағаның күрт өзгеруі болмайды деп уәде берді.
«Мен сізге шектеуді бірден айттым, кейде емес. Кейбіреулер: «Екі-үш еселейік» дейді. Мен бірден айтамын: «Екі немесе үш - бұл болмайды, бірақ пайызы болады». Біздің мамандар 1100 техника сатып алудан бөлек, жолдарды күтіп ұстауға қанша қаражат кететінін есептеп шығуы керек. Әрине, мұның бәрін бірден ақылы түрге сала алмаймыз, бірте-бірте көреміз. Біраз қор көбейіп, шығынымыздың қай бөлігі жабылады, соған қарап шығарамыз», – деп түсіндірді Марат Қарабаев.