Қазақстанда «Бала құқығы туралы» заңға өзгерістер енгізіледі
Сенат депутаттары «Кейбір заңнамалық актілерге мәдениет, білім және тәлімгерлік мәселелері бойынша өзгерістер мен толықтырулар енгізу туралы» заңға түзетулер енгізді. Жаңа өзгерістерге сәйкес, «тәлімгер ұйым» ұғымы енгізілді.
«Тәлімгерлік ұйымы» ұғымы жетім балалар мен ата-анасының қамқорлығынсыз қалған балаларға тәлімгерлік институтын реттеу мақсатында «Баланың құқықтары туралы» Заңға енгізіліп, тәлімгер болуға өтініш білдірген тұлғаларды тәлімгерлік бойынша міндетті оқытуды белгілейді және сондай-ақ құқықтар мен «Тәлімгерлік оқытуды ұйымдастыратын ұйымдардың міндеттерін» айқындайды», - деді Сенаттың Әлеуметтік-мәдени даму және ғылым комитетінің төрағасы Нұртөре Жүсіп.