«Қазмырыш» зауытындағы жарылыстан зардап шеккен жұмыскер есін жиды
Өскемен қаласында болған оқиға кезінде жарақат алған жұмысшылардың жағдайы туралы дәрігерлер жаңа ақпарат таратты.
Дәрігерлердің айтуынша, ауыр күйік алған (шамамен 90% денесі зақымданған) науқастың жағдайы біртіндеп жақсарып келеді.
Дәрігерлер зардап шеккен ер адамның есін жиып, байланысқа түсе бастағанын хабарлады. Ол шок жағдайынан шығарылып, толық медициналық көмек алып жатыр.
Қазіргі жоспар бойынша, науқасты әрі қарай емдеу үшін Астана қаласына жеткізу мүмкіндігі қарастырылуда.
Сонымен қатар екінші зардап шеккен азаматқа қатысты да ақпарат белгілі болды. Ол санитарлық авиация арқылы елордаға жеткізіледі. Дәрігерлер оның омыртқасына зақым келгенін анықтаған.
Оқиғаға байланысты емдеу шаралары жалғасып жатыр.