Қырғызстанда Шаирбек Ташиевті қайтадан тергеуге шақырды
Қырғызстанның ІІМ-і Шаирбек Ташиевті қайтадан тергеуге шақырды.
Бұл туралы Kaktus.media редакциясына құқық қорғау органдарының өкілдері хабарлады.
Олардың айтуынша, 25 наурыз күні ІІМ тергеу қызметінің тергеушісі Жогорку Кенештің бұрынғы депутаты, Ұлттық қауіпсіздік мемлекеттік комитетінің (ҰҚМК) экс-басшысы Камчыбек Ташиевтің ағасы Шаирбек Ташиевті тағы да жауапқа алған.
Айта кетейік, Шаирбек Ташиев бұған дейін де ІІМ-де жауап беріп, кейін депутаттық мандатынан бас тартқан еді.
Бұған дейін Қырғызстандағы әлеуметтік желілерде оның қаржылық жоспарлары мен жеке шығындарына қатысты әңгімелер жазылған аудиожазбалар тарап кеткен болатын.