Құтқарушылар Алматы тауларында 4000 метр биіктіктен екі жас жігітті төмен түсірді
Кеше 4000 метрден жоғары биіктіктегі Сәтбаев шыңында оқиға болғаны туралы хабар түсті.
2008 жылы туған екі жасөспірім өрмелеу кезінде өз бетінше төмен түсе алмай қалған. Олармен байланыс үзілмей, орналасқан жері анықталды. Алматы қаласы ТЖД Құтқару қызметі мен «ҮАШ» бақылау-құтқару бекетінің қызметкерлері іздестіру-құтқару жұмыстарына дереу кірісті.
Күрделі таулы рельеф пен түнгі уақытқа қарамастан, операция сәтті аяқталды. Бүгін құтқарушылар жастарды аман-есен экологиялық бекетке дейін түсірді, онда оларды ата-аналары күтіп алды.
Құтқарылғандарға медициналық көмек қажет болған жоқ.