Наталья Годунова «ҚТЖ» директорлар кеңесінің құрамынан шығарылды
«Қазақстан темір жолы» ұлттық компаниясының директорлар кеңесінен Наталья Годунова шығарылды. Тиісті шешімді компанияның жалғыз акционері 26 тамызда қабылдаған.
Бұл ақпаратты «ҚТЖ» қор биржасына жариялады. Годунованың орнына әзірге директорлар кеңесіне жаңа мүше тағайындалмаған. Осы өзгерістен кейін басқару органының құрамында 8 адам қалды.
Айта кетейік, Наталья Годунова жақында Құрылтай депутаты болып сайланған.
Ал 28 тамызда ол Экономикалық саясат, энергетика және өнеркәсіп комитетінің төрағасы болып тағайындалды.