Ноғаев қызметінен кетті ме?
Маңғыстау облыстық әкімдігі өңір басшысы Нұрлан Ноғаевтың қызметінен кететіні туралы ақпаратқа жауап берді, деп хабарлайды Zhasalash.kz сайты.
Бұған дейін әлеуметтік желілерде Ноғаевтың басқа жұмысқа ауысатыны туралы ақпарат тараған.
"Кейбір ақпарат көздеріне сүйенсек, Маңғыстау облысының әкімі Нұрлан Ноғаев басқа жұмысқа ауысуына байланысты қызметінен босатылады", - деп жазған Yedilov.online арнасы.
Бұл хабарламаға облыс әкімдігінің өкілдері жауап берді.
"Маңғыстау облысының әкімі Нұрлан Ноғаев жұмыс орнында", - деп хабарлады Маңғыстау облысы әкімдігінің ресми өкілі Жанна Сағидолла.
Айта кетейік, Нұрлан Ноғаев Маңғыстау облысы әкімінің қызметін 2022 жылғы желтоқсан айынан бері атқарып келеді.
Фото: tengrinews.kz