Нью-Йоркте Қазақстанда қамауда отырған Мовлаев пен Емельяноваға қолдау акциясы өтті
Нью-Йоркте Қазақстанның бас консулдығы орналасқан ғимараттың алдында акция өтті.
Наразылық білдірушілер Алматыдағы тергеу изоляторында отырған Ресей азаматтары Юлия Емельянова мен Мансур Мовлаевты Ресейге экстрадициялауға қарсылық білдірді.
Мовлаев пен Емельянова Ресейдің сұрауы бойынша Қазақстанда ұсталған. Олар бір жылдан астам уақыттан бері Алматыдағы тергеу изоляторында отыр.
Акцияны Мәскеу қалалық басқармасының бұрынғы депутаты Сергей Власов құрған Russian Refugee Foundation ұйымы ұйымдастырған. Қатысушылар Қазақстан билігін белсенділерді Ресейге бермеуге және халықаралық міндеттемелерін орындауға шақырды.
Қазақстанның дипломатиялық өкілдіктері акцияға қатысты әзірге пікір білдірмеген.
Бұған дейін осындай акциялар Еуропаның, Австралияның және Арменияның бірқатар қалаларында да өткен.