Пәкістан басшылығы Тоқаевты ең жоғары мемлекеттік наградамен марапаттады
Қазақстан Президенті Қасым-Жомарт Тоқаев Пәкістанның ең жоғары мемлекеттік марапаты — Nishan-e-Pakistan орденімен наградталды. Бұл туралы Ақорда хабарлады.
Исламабадта өткен салтанатты рәсімде Пәкістан Президенті Асиф Али Зардари мен Пәкістан Премьер-министрі Шахбаз Шариф Қазақстан Президентіне Nishan-e-Pakistan орденін табыс етті.
Аталған марапат Пәкістан азаматтарына, сондай-ақ шетелдік мемлекет, саясат және қоғам қайраткерлеріне ел алдындағы айрықша еңбегі үшін беріледі.
Салтанатты шараға Пәкістан Үкіметінің мүшелері, парламент депутаттары, Қарулы күштердің жоғары қолбасшылық құрамы және дипломатиялық корпус өкілдері қатысты.