Пентагон басшысы Остин Украинаға барды
АҚШ қорғаныс министрі Ллойд Остин дүйсенбі күні таңертең Киевке барды. Бұл туралы министр twitter әлеуметтік желісіндегі парақшасында хабарлады.
Ол Пентагон басшысы ретінде Украинаға төртінші рет барып отырғанын атап өтті.
«Мен Украинаға Қорғаныс министрі ретінде төртінші рет оралдым, бұл Америка Құрама Штаттары халықаралық қоғамдастықпен бірге Украинаны қолдауды жалғастырып жатқанын көрсетеді», - деп жазды ол X әлеуметтік желісінде.
Остин Киевте Украина президенті Владимир Зеленскиймен және қорғаныс министрі Рүстем Умеровпен кездеседі деп күтілуде.