Петропавлда әскери қызметкер әріптесінің атқан оғынан көз жұмды
Петропавлда 38 жастағы «Бүркіт» арнайы жасағының жүргізушісі болған, ұлттық ұланның әскери қызметкері ішіне тиген оқтан қаза тапты, деп хабарлайды Zhasalash.kz.
«12 қарашада 6637 әскери бөлімінің келісімшарт бойынша әскери қызметшісі әріптесінің абайсызда атқан оғынан жараланып, шұғыл түрде медициналық мекемеге жеткізілді. Алайда оны құтқару мүмкін болмады», - деп хабарлады Ұлттық ұланның баспасөз қызметі.
Аталған дерекке қатысты ішкі тергеу тағайындалды. Қазіргі кезде оқиғаның мән-жайы анықталып жатыр.