Кейінгі жылдарды Еліміз үшін тарихи бетбұрыс кезеңі деуге толық негіз бар – Тоқаев
Қазақстан Президенті Қасым-Жомарт Тоқаев Мемлекеттік Туды көтеру рәсімінде сөйлеген сөзінде мемлекеттік рәміздерді пайдалану тәртібін реттейтін қаулыға жақын арада өзгерістер енгізілетінін хабарлады.
Мемлекет басшысы ұлттық рәміздердің беделін нығайту мемлекеттік маңызы бар міндет екенін атап өтті.
«Ұлттық рәміздердің абыройын арттыру – мемлекеттік маңызы бар іс. Жақын арада Үкімет мемлекеттік рәміздерді пайдалану тәртібін реттейтін қаулыға түзетулер енгізеді», - деді Президент.
Тоқаевтың айтуынша, Мемлекеттік Ту, Елтаңба және Әнұранға құрмет көрсету – әрбір азаматтың парызы әрі мемлекетке деген құрметтің көрінісі. Сондай-ақ Президент патриотизм ел қауіпсіздігі мен аумақтық тұтастығын қамтамасыз ететін негізгі құндылықтардың бірі екенін атап өтті.
«Ұлттық рәміздерімізді қастерлеу – бәрімізге ортақ міндет. Бұл, түптеп келгенде, мемлекетке деген құрметтің айқын белгісі», - деді Мемлекет басшысы.
Президенттің мәлімдеуінше, алдағы өзгерістер мемлекеттік рәміздердің қоғамдағы мәртебесін көтеруге және оларды пайдалану тәртібін жетілдіруге бағытталмақ.