Қарағандыда анасы мен қызы коронавирус жұқтырған

Олар Франциядан 18 наурызда Минск — Нұр — Сұлтан бағытындағы ұшақпен келген. Еске сала кетсек, бұл ұшақты үкімет шешімімен Нұр — Сұлтанға емес, Қарағандыға қондырған болатын. Кеселді жұқтырған екі әйел адам келген күннен бастап карантинде жатыр." Короновирус кеселіне шалдыққан жандар Қарағандыға келген бойда бірден оқшауланған. Сондықтан қаланың тұрғындарымен араласқан жоқ. Әзірге Қарағандыны карантинге жабуға негіз жоқ ",- деп мәлімдеді Қарағанды облысының денсаулық сақтау басқармасының бастығы Ержан Нұрлыбаев . 

Короновирус жұқтырған екі әйелде Қарағанды облысының тумалары емес.  Еске сала кетсек,  осының алдында короновирус жұқтырған екі адамда осы ұшақпен Минскіден келген. Дегенмен сол кезде ауру жұқтырғандар білінгенде, денсаулық сақтау саласының мамандары осы екеуінің қасында ұшақта отырғандарды ғана  карантинге алып қалғанбыз деп мәлімдеген. Ал қалған ұшақ жолаушылары кеселді анықтауға қатысты тест тапсырған соң үйлеріне босатылған. Әлеуметтік желіде Қарағандылықтар "ұшақты кеншілер қаласына қондырып, ауру ошағын шығарды" деп наразы болуда. Қарағандыда 4 адам қауіпті кеселді жұқтырған, ал 314 адам карантинде жатыр. Тағы 152 тұрғын үй карантиніне алынған.

Арайлым Еркебаева, 

Қарағанды