Қарағандыда ұйымдасқан қылмыстық топ құрықталды (видео)
Қарағандыда екі жылдан астам уақыт бойы заңсыз құмар ойындарын ұйымдастырумен айналысқан ұйымдасқан қылмыстық топтың жолы кесілді.
— 2018 жылдың қаңтар айынан бастап 2020 жылдың мамырына дейінгі аралықта 5 адамнан тұратын ұйымдасқан қылмыстық топ Жезқазған және Сәтбаев қалаларында 7 заңсыз ойын пункттерін ұйымдастырып, құрды. Олардан келген кірістің мөлшері 16 миллион теңгеден асқан. Жедел іс-шаралар нәтижесінде 200-ге жуық ойын жабдықтары заңсыз айналымнан алынды, — деп хабарлайды ҚР Қаржы министрлігінің ҚМК баспасөз қызметі.
Бұл факт бойынша қылмыстық іс сотқа жолданды