Қазақстан аумағында жер сілкінді
18 тамызда Астана уақытымен таңертеңгі сағат 6:38 кезінде Алматыдан солтүстік-шығысқа қарай 250 шақырымда жер сілкінді деп хабарлайды Қазақстан білім және ғылым министрлігінің сейсмологиялық тәжірибе-әдістемелік орталығы.
4,6 магнитуданы құраған жер сілкінісінің ошағы Қазақстан аумағында, жердің 10 километр терең қабатында болған.
Жер сілкінісінің энергетикалық класы – 10.6.
Зардап шеккендер туралы ақпарат түспеген.