Ресейде маймыл шешегін жұқтыруы мүмкін деген күдікпен бес адам ауруханаға жатқызылды
Ресейдің Санкт-Петербург қаласы мен Ленинград облысында маймыл шешегін жұқтыруы мүмкін деген күдікпен бес адам ауруханаға жеткізілді.
Қазір олар дәрігерлердің бақылауында. Бұл туралы РБК басылымы хабарлады.
Ресейдің Тұтынушылар құқығын қорғау және адам әл-ауқатын бақылау жөніндегі федералдық қызметі (Роспотребнадзор) эпидемиологиялық тексеруді бастады. Мамандар науқаспен байланыста болған адамдарды анықтап жатыр. Сонымен қатар тиісті орындарға дезинфекция жүргізу туралы нұсқама берілген.
Вирусты анықтау үшін арнайы тест-жүйелер қолданылады. Қазіргі уақытта тексеру жалғасып жатыр, ал жағдай ведомствоның бақылауында.