Ресейден Украинаға тағы 12 бала оралды
Бұрын Ресейге депортацияланған тағы 12 бала Украинаға оралды. Кәмелетке толмағандарды депортациялау Гаага сотының Владимир Путинді тұтқындауға ордер беруіне негіз болды.
Ресейге депортацияланған тағы 12 украиналық бала еліне оралды. Бұл туралы Украина президенті кеңсесінің басшысы Андрей Ермак өзінің Telegram-каналында хабарлады.
«Құтқарылғандардың арасында адам төзгісіз сынақтарды басынан өткерген – кәсіптік медицина қызметкерлерінің салғырттығынан анасынан айырылған 16 жастағы қыз, Ресей әскеріне шақырылған 17 жастағы жасөспірім, зардап шеккен балалар бар», - деп жазады Ермак.
Дәл осындай ақпарат дүйсенбі күні Bring Kids Back UA украиндық онлайн-платформасы мен «Украинаны құтқару» жобасының арналарында жарияланды.
Украиналық балаларды Ресейге заңсыз депортациялау
Bring Kids Back ұйымының мәліметінше, соғыс басталғаннан бері Украинадан жалпы 19 546 бала заңсыз әкетілген. Оның 1037-сі еліне оралды.
Украинаның оккупацияланған аумақтарынан балаларды Ресейге депортациялау Гаагадағы Халықаралық қылмыстық соттың Владимир Путин мен Ресейдің балалар омбудсмені Мария Львова-Белованы тұтқындауға ордер беруіне негіз болды. Кремль бұл айыптауларды жоққа шығарып, балалардың қауіпсіз аймақтарға жеткізілгенін айтады.