Туыстары Болат Назарбаевты ақтық сапарға шығарып салды
Алматы облысы Шамалған ауылында Болат Назарбаевтың жаназасы өтті.
Экс-президенттің інісін ақтық сапарға шығарып салуға біршама адам жиналды. Жаназаға Жас Алаш тілшілері де барған. Бірақ журналистерді жиналған топқа жақындатқан жоқ.
Шамалғаннан ақпарат таратқан тілшілер жаназаға 500-ден аса адам келгенін айтады.
Әлеуметтік желі қолданушылары жаназаға бұрынғы президент Нұрсұлтан Назарбаев келіп, сөз сөйлегенін айтып жатыр. Жарияланған видеода сөз сөйлеп тұрған адамның түрі көрінбейді, бірақ дауысы экс-президенттің дауысына ұқсайды.
Айта кетейік, Болат Назарбаев 13 қараша күні 71 жасқа қараған шағында науқастан қайтыс болды.