Шымкентте мемлекеттік құпияларды жария еткен азамат 5 жылға сотталды
Шымкент қаласында Қаржылық мониторинг агенттігінің қызметкері мемлекеттік құпияларды жария еткені үшін сотталды.
Бұл қылмыс мемлекеттің қауіпсіздігіне қатер төндіретін ең ауыр қылмыстардың бірі ретінде сараланған.
Шымкент қаласының қылмыстық істер жөніндегі ауданаралық сотының үкімімен ҚР ҚК-нің 185-бабының 3-бөлігі (мемлекеттік құпияларды заңсыз жария ету) бойынша азамат К. 5 жылға бас бостандығынан айырылды. Сот барысында прокурор қызметкердің құпия ақпаратты үшінші тұлғаларға бір жыл бойы бергені туралы сенімді дәлелдер келтірді, делінген хабарламада.
Үкім заңды күшіне енді.
Фото: pixabay