Ішкі істер министрлігі Еламан Балтагерейдің АҚШ-та ұсталуына қатысты пікір білдірді
Қазақстан Сыртқы істер министрлігі АҚШ-та ұсталған Қазақстан азаматы Еламан Балтагерейге қатысты жағдайдан хабардар екенін мәлімдеді. Бұл туралы ведомствоның ресми өкілі Ерлан Жетібаев хабарлады.
Оның айтуынша, қазіргі уақытта оқиғаның барлық мән-жайын анықтау мақсатында тексеру жүргізіліп жатыр.
«Иә, аталған жағдай бойынша Сыртқы істер министрлігі хабардар. Қазіргі уақытта тексеру жүргізіліп, барлық мән-жай анықталуда. Қосымша ақпарат ресми деректер келіп түскен бойда беріледі», - деді Ерлан Жетібаев.
Еске салайық, бұған дейін АҚШ-тың құқық қорғау органдары 5 маусым күні Калифорния штатында Қазақстан азаматы Еламан Балтагерейді ұстағанын хабарлаған болатын. Америкалық тарап оның халықаралық деңгейде террористік ұйым деп саналатын топпен байланысы бар-жоғын тексеріп жатқанын мәлімдеген.
Қазіргі уақытта қазақстандық азаматтың ісіне қатысты ресми тергеу шаралары жалғасуда. Қазақстанның Сыртқы істер министрлігі жағдайды бақылауда ұстап отырғанын хабарлады.