Шымкенттің бұрынғы әкімінің қызы Тоқаевтан көмек сұрады
Шымкент қаласының бұрынғы әкімі Өмірзақ Әметұлының 14 жастағы қызы Әмет Қасиет Өмірзаққызы Қазақстан халқына және Президент Қасым-Жомарт Тоқаевқа видеоүндеу жасады.
Жасөспірім әкесін ДНҚ сараптамасын тапсыруға міндеттеуді және өзінің, сондай-ақ І топтағы мүгедектігі бар әпкесінің жағдайына құқықтық баға беруді сұрады.
Видео әлеуметтік желілерде тараған. Үндеу барысында қыз өзінің туу туралы куәлігін де көрсетті. Құжатта оның аты-жөні Әмет Қасиет Өмірзаққызы, туған күні 2012 жылғы 9 ақпан, туған жері Шымкент қаласы деп көрсетілген.
Жасөспірім мәселесіне қатысты өз құқықтарын қорғау үшін сотқа жүгінгісі келетінін айтқан.