Тоқаев әскерге шақыру туралы Жарлыққа қол қойды
Жарлыққа сәйкес, мерзімді әскери қызметін аяқтаған сарбаздар запасқа шығарылады. Запасқа шығару 2026 жылы наурыз–маусым және қыркүйек–желтоқсан айларында өтеді.
Сонымен қатар 18 бен 27 жас аралығындағы ер азаматтар мерзімді әскери қызметке шақырылады. Армияға шақыру екі кезеңде ұйымдастырылады: наурыз–маусым және қыркүйек–желтоқсан.
Шақыру жұмыстарын жергілікті атқарушы органдар мен әскери басқару органдары үйлестіреді. Үкімет пен тиісті мемлекеттік мекемелер әскерге шақырылған азаматтарды бөлімдерге уақытылы жеткізуді қамтамасыз етеді.