Тоқаев Дәдебайды Президент әкімшілігіндегі жұмысы үшін алғыс білдірді
Қазақстан Президенті Қасым-Жомарт Тоқаев Президент әкімшілігінің бұрынғы басшысы Айбек Дәдебайға алғыс білдіріп, оның қызметіне жоғары баға берді.
Бұл туралы Президенттің кеңесшісі – баспасөз хатшысы Айбек Смадияров мәлімдеді.
«Қасым-Жомарт Тоқаев Айбек Дәдебайға шынайы алғыс айтып, оның Президент әкімшілігінің басшысы ретіндегі қызметін жоғары бағалады», – делінген хабарламада.
Сондай-ақ елде ауқымды саяси науқан өтетіні атап өтілді.
Осы кезеңде Мемлекет басшысының тапсырмасымен Айбек Дәдебай қоғамдық-саяси жұмыстармен айналысатын болады.