Тоқаев Назарбаевты туған күнімен құттықтады
Мемлекет басшысы Қасым-Жомарт Тоқаев Нұрсұлтан Назарбаевті туған күніне орай құттықтау жеделхатын жолдады. Бұл туралы Ақорда хабарлады.
Құттықтауында Мемлекет басшысы Тұңғыш Президенттің қазіргі қазақ мемлекеттілігінің негізін қалау, Қазақстан Республикасын құру, елдің экономикалық әлеуетін нығайту және халықаралық аренадағы беделін арттыру жолындағы тарихи миссиясын атап өтті.
Сондай-ақ құттықтау хатында Нұрсұлтан Назарбаевтың ел астанасын Астанаға көшіру туралы шешімінің айрықша маңызы болғаны айтылған.
– Елорданың Сарыарқаның сайын даласына көшірілуі бүкіл Қазақстанның дамуына қуатты серпін берді. Бүгінде Астана қарқынды дамып, түрленіп, әлемдегі ең көрікті қалалардың біріне айналып келеді, – делінген құттықтауда.
Қасым-Жомарт Тоқаев экс- президентке зор денсаулық, ұзақ ғұмыр және бақ-береке тіледі.