Тоқаев Нью-Йоркте Зеленскиймен кездесті
Қазақстан президенті Қасым-Жомарт Тоқаев БҰҰ Бас Ассамблеясының 80-сессиясы аясында Украина президенті Владимир Зеленскиймен кездесу өткізді. Бұл туралы Ақорда баспасөз қызметі хабарлады.
Кездесу барысында екі ел басшылары экономикалық және гуманитарлық ынтымақтастықты дамыту мәселелерін талқылады.
Зеленский Қазақстан президентіне Украинадағы жағдай жөніндегі өз көзқарасын жеткізді. Өз кезегінде Қасым-Жомарт Тоқаев бұл күрделі жағдайда дипломатиялық жұмысты жалғастырып, қақтығысты тоқтатудың жолдарын іздеудің маңыздылығын атап өтті.
Айта кетейік, БҰҰ Бас Ассамблеясының сессиясы – мемлекеттер басшылары мен үкіметтері үшін халықаралық күн тәртібіндегі ең өзекті мәселелерді талқылайтын алаң.