Тоқаев ішкі істер министрлігіне Бишімбаев ісін ерекше бақылауға алуды тапсырды
Мемлекет басшысы экс-министр ісіне қатысты тапсырма берді
Тоқаев ішкі істер министрлігіне Бишімбаев ісін ерекше бақылауға алуды тапсырды, деп хабарлайды Zhasalash.kz.
«Заң бәріне бірдей. Азаматтарымыз заңдылықты нығайту жолында жұдырықтай жұмылса ғана қоғамда әділдік орнайды. Әділетті Қазақстан – Заң мен Тәртіп үстемдік құратын ел», – деді Президент.
Бұл туралы Мемлекет басшысы Ішкі істер министрі Ержан Сәденовпен, Бас прокурор Берік Асыловпен, Жоғарғы Сот төрағасы Асламбек Мерғалиевпен, сондай-ақ басқа да құзырлы ведомстволардың басшыларымен кездесуі және кеңесу барысында айтты.
Елбасы заңдылықты сақтау, азаматтардың құқықтық санасы мен құқықтық мәдениетінің деңгейін арттыру мәселелеріне ерекше назар аударды.