Тоқаев Си Цзиньпинді Қытай Жаңа жылымен құттықтады
Қазақстан Президенті Қытай Халық Республикасының Төрағасы Си Цзиньпинге Қытай Жаңа жылы – Чуньцзе мерекесіне орай құттықтау жеделхатын жолдады.
Қасым-Жомарт Тоқаев өз жолдауында екі ел арасындағы байланыстардың нығайып келе жатқанын, ал ынтымақтастықтың ауқымы кеңейіп жатқанын атап өтті. Президент қытай көшбасшысының серіктестікті дамытуға қосқан үлесін жоғары бағалайтынын жеткізді.
Сондай-ақ ол әлемдегі тұрақсыз ахуал жағдайында халықаралық аренадағы үйлестірілген іс-қимыл мен өзара ықпалдастықты одан әрі нығайтудың маңыздылығын айтты.
Мемлекет басшысы Си Цзиньпинге халықаралық бастамаларды жүзеге асыруда табыс, ал Қытай халқына бақ-береке мен өсіп-өркендеу тіледі.