Тоқаев Украина мен Ресей туралы айтты
Мемлекет басшысы Қасым-Жомарт Тоқаев Пәкістанның The News International басылымына берген сұхбатында Ресей мен Украина арасындағы соғысқа қатысты пікір білдірді.
Сұхбат барысында журналист қақтығыстың ұзаққа созылып кеткенін атап өтіп, Президенттен өзін араағайын ретінде көре ме деген сауал қойған.
«Расында, жағдай аса күрделі. Бұл жердегі ең басты мәселе – территориялық талас екенін түсінеміз. Қазақстан қақтығысты тек саяси, дипломатиялық амалдармен реттеуге болады деп есептейді. Қазіргі жағдайда бейбітшілікке қол жеткізудің жалғыз жолы – қақтығысқа қатысушы тараптарды келіссөзге келістіру. Бұған кәміл сенеміз», - деді Тоқаев.