Тоқаев қазақ-қырғыз шекарасындағы жағдайды тез арада реттеуді тапсырды
Президент Қасым-Жомарт Тоқаев үкіметке қазақ-қырғыз шекарасындағы жағдайға байланысты тапсырма берді.
Бұл туралы Ақорданың баспасөз қызметі хабарлады.
— Мемлекет басшысы үкіметке қазақ-қырғыз шекарасындағы жағдайды екі ел арасында қалыптасқан серіктестік және бауырластық қарым-қатынас аясында реттеуді тапсырды
Сондай-ақ, тауарларды шекара арқылы заңсыз тасымалдауға жол бермеу үшін цифрландыру мен автоматтандыруды неғұрлым белсенді енгізу мәселесі бойынша қырғыз тарапымен келіссөздерді жалғастыру қажет екені атап өтілді, — делінген хабарламада.