Түркістан облысында экстремистік ұйымның ұяшығы жойылды

 «Ішкі істер министрлігінің экстремизмге қарсы күрес бөлімі Ұлттық қауіпсіздік комитетінің көмегімен «Хизб-ут-Тахрир» діни-экстремистік ұйымының Кентау қаласындағы жасырын бөлімшесін жойды. Олардың идеологиясы зайырлы конституциялық жүйені құлату және елде шариғат нормаларын енгізу», - делінген хабарламада. Жедел-іздестіру іс-шаралары барысында топ мүшелерінің лаңкестік идеяларын насихаттайтын, сондай-ақ діни сезімдерін қорлайтын және басқа нанымдағы азаматтарды кемсіту туралы мәлімдемелер жасағаны анықталды.