Украинада Андрей Ермак қамауға алынды
Украинада Андрей Ермак қамауға алынды. Бостандыққа шығу үшін 140 млн гривен кепіл белгіленді.
Украинаның Жоғары антикоррупциялық соты ел президенті кеңсесінің бұрынғы басшысы Андрей Ермакқа қатысты бұлтартпау шарасын таңдады. Ол қамауға алынды.
Сот шешіміне сәйкес, экс-шенеунік тергеу изоляторына қамалды. Сонымен қатар оған кепіл арқылы бостандыққа шығу мүмкіндігі берілді. Кепіл көлемі 140 миллион гривен болып белгіленді. Бұл шамамен 3,4 миллион долларға тең.
РБК-Украина басылымының хабарлауынша, сот шешімі айыптау тарапы сұраған талаптан жеңілірек болды.
Мамандандырылған антикоррупциялық прокуратура (САП) бастапқыда Ермакты 180 миллион гривен кепілмен қамауға алуды сұраған. Алайда сот кепіл көлемін 140 миллион гривенге дейін төмендетті.
Қазіргі уақытта қорғау тарапы бұл соманы төлей ме, жоқ па — белгісіз.
Андрей Ермак бұған дейін Украина президенті кеңсесінің жетекшісі қызметін атқарып, елдегі ең ықпалды саяси тұлғалардың бірі саналған.
Соңғы уақытта Украинада жоғары лауазымды шенеуніктерге қатысты бірнеше антикоррупциялық тергеу жүргізіліп жатыр.